од Владимир Мартиновски
Секоја пролет во задниот двор Се собира голем птичји хор. Ластовиците се прв глас Чиј пој прв стигнува до нас. Вториот глас го пеат врапците Кои ги цивкаат на нотното писмо знаците. Третиот глас го џивкаат препелиците Силно отворајќи ги вилиците. Има и солисти во птичјиот хор Ама тие пеат од предниот двор. Од зори славејот солира И напладне финишира. Приквечер кукавицата кука Со гласот џамови пука. На полноќ бувот пее По ѕвездите ноти сее. Така големиот птичји хор Везден реди музика и збор. А кој е диригентот никој не знае В пет смени кој го води хорот таен.
Илустрација: Зоран Кардула
Песна од книгата „Хор во задниот двор“, во издание на „Чудна шума“
Од истиот автор:
е-Списание „Чудна шума“ 