од Владимир Мартиновски
Не знаевме дека и жирафата Сара Си имала своја добро скриена дарба. А и не мораше посебно да ја бара: Еден ден одеднаш засвири на харфа! До бандерите со затегнати жици Кога дождот секна и ветрот се смири На Сара случајно две шарени птици ù дадоа идеја со ушите да си свири. На едната жица Сара го најде тонот „сол“ Па после почна да свири и цели скали Сите ја слушаат сега: слон, лав, вол... Сега жирафата Сара саноќ жиците ги гали Свирејќи им на своите седум слатки чеда Приспивни песни кои до зори се редат.
Илустрација: Зоран Кардула
Песна од книгата „Хор во задниот двор“, во издание на „Чудна шума“
Од истиот автор:
е-Списание „Чудна шума“ 