Гатанки чудни за деца будни (1)

од Ванчо Полазаревски

1.
Цистерна бела,
полна со вода,
по небо плови,
од утро до мрак.
Се вика...
(кликни тука за одговорот)

2.
Во Африка на секој чекор,
од страв се ежам,
во град, насред пат,
со моиве црно-бели
ребра лежам.
(кликни тука за одговорот)

3.
Со куќарче,
што на грб 
го носам смело,
шетам везден,
низ град и село.
(кликни тука за одговорот)

4.
Предам без предиво,
мустаќ имам,
не сум дедо.
Многу сакам млеко,
како се викам
знае секој.
(кликни тука за одговорот)

5.
Знае и голем и мал,
немам круна, а 
на животни сум крал.
Од никој не ми е страв,
затоа што сум...
(кликни тука за одговорот)

Designed by Freepik

---

Од истиот автор:

Гатанки чудни за деца будни (2)

Гатанки чудни за деца будни (3)